Əziz valideynlər, uşaqlarınızın sağlamlığına xüsusi diqqət yetirin. Çünki vaxtında aşkar edilən xəstəliklərin müalicəsi diqqətdən yayınaraq bir çox fəsadlar vermiş xəstəliklərin müalicəsindən xeyli dərəcədə asan olur.
Bu, eyni dərəcədə görmə orqanlarına da aiddir. Əgər uşağınızın gözlərində aşağıdakı hallardan hər hansı birini müşahidə edərsinizsə, tez bir zamanda həkim-oftalmoloqa müraciət etmək lazımdır:
- buynuz qişanın çox böyük və ya çox kiçik ölçüdə olması
- göz qapaqlarının tam bağlanmaması və ya sallanması
- buynuz qişanın bulanması
- göz qapaqlarında hər hansı bir törəmənin olması
- göz alması və göz qapaqlarının selikli qişalarının qızarması
- göz bəbəyi rənginin ağ, boz, sarımtıl rəngə çalması və s.
Diaqnozun düzgünlüyünə tam əmin olduğunuz hallarda belə, heç zaman uşağınızın gözlərini həkim məsləhəti olmadan özbaşına müalicə etməyin.
Əlaqəli xidmətUşaq oftalmologiyasıÇəpgözlük, tənbəl göz, göz yaşı kanalının tutulması və uşaqlarda görmə müayinəsi.
Bu səhifədəki məlumatlar maarifləndirici xarakter daşıyır və həkim müayinəsini əvəz etmir. Diaqnoz və müalicə yalnız oftalmoloqun müayinəsindən sonra təyin olunur.
