Biz adətən siqaret çəkməyin ağciyərlərə mənfi təsiri haqqında daha çox eşidirik. Bəs siz bilirsinizmi ki, siqaret, o cümlədən passiv siqaret çəkmə gözlərə nə qədər zərər verir?
Tütün tüstüsünün tərkibində:
- nikotin və sianid – bunlar gözün ən təhlükəli düşmənləridir
- hidrogen sulfid, kotinin və müxtəlif turşular
- karbon monoksid
Bütün bu komponentlər damarlı qişanı zədələyir, damarların tədricən tıxanmasına gətirir və oksigenin mənimsənilməsinə mənfi təsir göstərir. Göz üçün dəyərli maddələr və vitaminlərin damarlar vasitəsi ilə daşınması pozulur.
Siqaret çəkmək görməni pisləşdirir, qismən və tam korluğa gətirib çıxara bilər.
Tütün tüstüsü aqressivdir: selikli qişanı qurudur, patogen mikrofloranın inkişafına şərait yaradır. Qaşınmaya, qızartıya, selikli qişanın piqmentasiyasına – sarımtıl rəng almasına gətirib çıxarır.
Sağlamlığımızın dəyərini bilək və zərərli alışqanlıqlardan uzaq duraq.
Bu səhifədəki məlumatlar maarifləndirici xarakter daşıyır və həkim müayinəsini əvəz etmir. Diaqnoz və müalicə yalnız oftalmoloqun müayinəsindən sonra təyin olunur.
