Qış aylarında göz sağlamlığının qorunması çox önəmlidir.
Soyuq hava gözümüzü quruda bilər: Soyuq, quru hava gözün səthindəki nəmi tez buxarlandıra bilər. Bu, quru gözlərə və narahatlığa səbəb olur. Quru gözlər qızartı, yanma hissi, sulanma və hətta bulanıq görmə kimi simptomlar yaradır.
Küləyin təsiri: Küləkli hava gözün daha da qurumasına səbəb olur. Bundan əlavə, külək müxtəlif yad obyektlərin göz səthinə gəlməsinə və qıcıqlanmaya səbəb ola bilər.
Günəş şüalarına diqqət edin: Qış aylarında belə günəşin zərərli UV şüalarına məruz qala bilərik. Buna görə də günəş eynəklərindən istifadə etmək vacibdir.
Göz sağlamlığını qorumağın yolları:
Gözlərinizi qorumaq üçün günəş eynəyi taxın: UV qoruyuculu gün eynəklərindən istifadə edərək gözlərinizi zərərli şüalardan qoruyun.
İsti geyinin: Soyuq havada başınızı və üzünüzü papaq və şərf kimi aksesuarlarla örtüb soyuq küləyin təsirindən gözlərinizi qoruyun.
Nəmləndirici damcılardan istifadə: Gözlərinizin qurumasının qarşısını almaq üçün göz damcıları və ya süni göz yaşlarından istifadə edə bilərsiniz. Ancaq həkim məsləhəti olmadan göz damcılarından istifadə etməyin.
Daimi göz müayinələri: Göz sağlamlığınızı qorumaq üçün mütəmadi olaraq göz həkiminizi ziyarət edin. Gözlərinizlə bağlı hər hansı bir problemin erkən diaqnozu daha təsirli müalicəni təmin edə bilər.
Havalar soyuduqda immunitet zəifləyir və həssas orqan olan gözlərdə problemlər yarana bilər.
Bu havalarda mütləq gözün təmizliyinə diqqət edilməlidir. Bildiyiniz kimi, qış mövsümündə bir çox xəstəliklər, infeksiyalar baş qaldırır. Bunlar arasında göz infeksiyaları da yer alır. Buna görə öncə gigiyenik qaydalara riayət edilməli, əlləri və üzü tez-tez yumaq lazımdır. Göz infeksiyası qaşınma, sulanma, qızartı kimi hallarla müşahidə edilir. Bəzən 1-2 həftəyə keçib gedir, amma vaxtında qarşısı alınmazsa, daha ciddi fəsadlara yol aça bilər.
Əlaqəli xidmətQuru göz və konyunktivitQızartı, qaşınma, yanma və sulanmanın səbəbinin müəyyənləşdirilməsi və müalicəsi.
Bu səhifədəki məlumatlar maarifləndirici xarakter daşıyır və həkim müayinəsini əvəz etmir. Diaqnoz və müalicə yalnız oftalmoloqun müayinəsindən sonra təyin olunur.
